Es trobades deth Volontariat Lingüistic Universitari an lòc annuaument en un punt diferent dera Regió Vives, damb er objectiu d’impulsar era interrelacion academica, territoriau e lingüistica des universitats dera Xarxa Vives.

Era Val d’Aran ei ua comarca pirenenca, travessada per arriu Garona, damb ua significacion sociau, istorica e lingüistica singulares per èster un territòri fronterèr e de crotzament entre er estat francés e espanhòl e es comunitats de Catalonha e Aragon, e damb ua organizacion territoriau identitària pròpia damb terçons e eth Conselh Generau d’Aran coma organ de govèrn. Atau, ei essenciau era orografia, es vies de comunicacion, era istòria, era administracion, eth torisme… e era lengua.

Er aranés, o occitan, n’ei era lengua pròpia, diferenta ara des auti territòris e, per aquerò, exigís un esfòrç enorme entà que, des deth consolidat reconeishement legau en Estatut d’Autonomia de Catalonna, se’n poténcie e normalize er usatge sociau, ath costat deth catalan, deuant dera pression territoriau e sociau deth francés o eth castelhan.

Era Val d’Aran, “era esséncia des Pirenèus”, ei un aute exemple d’un territòri qu’a de besonh politiques lingüistiques eficaces entà garantir era normalitat en usatge d’ua lengua pròpia e d’accions imaginatives que programes com eth Volontariat Lingüistic ajuden a amiar a tèrme. Campanhes com “L’as ena punta dera lengua. Trè er aranés”, deth Conselh Generau d’Aran, possen era conscienciacion, eth coneishement, era assertivitat, er usatge actiu, era vitalitat… “Hè qu’era lengua dera Val d’Aran sigue tostemps en boca de toti”.

En aguesta trobada mos calam ena situacion sociolingüistica, era istòria, era cultura, era gastronomia, era musica e era politica lingüistica, e coneisheram milhor eth magnific espaci geografic dera Val d’Aran.

Dinamizar es contactes entre eth Volontariat Lingüistic des universitats dera Xarxa Vives, conéisher es diferents territòris e es realitats sociolingüistiques dera Regió Vives, conéisher era politica lingüistica en territòris fronterèrs com era Val d’Aran, complementar era formacion interdisciplinària des estudiants universitaris e crear vincles de collaboracion damb entitats que promòn era lengua pròpia.

Era inscripcion inclodís eth lotjament, es activitats de formacion e dinamizacion e es minjades, a excepcion deth dinar de dijaus 26 d’octobre.

Condicions entà participar ena Trobada:
• Èster majors d’edat
• Èster o auer estat inscrits o collaborar en un programa de Volontariat Lingüistic de quaussevolh des universitats dera Xarxa Vives
• Preinscriuer-se e auer eth vist-e-platz dera universitat de pertanhença
• Acceptar es “Obligacions des persones participantes” detalhades mès enjós

Procediment entara preinscripcion:
1. Preinscripcion:
Completatz eth formulari de preinscripcion abans der 11 d’octobre.
2. Admission:
Es places son limitades e s’assignaràn per orde rigorós de preinscripcion as persones que complisquen es condicions. Un viatge completat eth formulari e obtengut eth vist-e-platz dera vòsta universitat, vos confirmaram per corrèu electronic s’ètz admetudi, o non, e vos informaram deth numèro de compde entà hèr eth pagament.
3. Aportacion:
Es despenes dera trobada son 275 euros per persona. Aguesta aportacion s’a de hèr un còp admetuda era vòsta preinscripcion. Quauques universitats se pòden hèr cargue d’ua part des despenes des sòn volontaris e collaboradors, per aquerò ei convenient consultar eth servici lingüistic dera vòsta universitat. Eth tèrme entà hèr eth pagament serà eth 16 d’octobre. En cas que non se hèsque abans d’aguesta data, era organizacion poderà anullar era preinscripcion. A partir d’alavetz non se haràn devolucions

Les universitats d’Alacant, Elx, València, Jaume I e Politècnica de València organizaràn un autocar entàs estudiants inscrits en Voluntariat Lingüístic d’aguestes universitats.
I a lòc entà totes es persones inscrites. Se i a persones qu’òpten per desplaçar-se damb es pròpis mieis, ac an de comunicar ara organizacion dirèctament o ath servici lingüistic dera sua universitat

Era participacion en aguestes activitats ei volontària e jos era responsabilitat des persones participantes. Cada ua des persones inscrites participe enes activitats dera trobada jos era sua responsabilitat individuau e accèpte totes es obligacions descrites en formulari de preinscripcion. Quaussevolh abús comportarà era pèrta immediata dera condicion de volontaris e deth dret de participar enes activitats e servicis, includits enes transpòrts e eth lotjament.
Era organizacion recomane as participants era soscripcion d’ua assegurança que corbisque es risqui des activitats de montanha

• Passapòrt o document d’identitat valid e non caducat
• Targeta sanitària
• Tovalhòla
• Chancles de docha
• Ròba d’abric (1)
• Bòtes de montanha (1)
• Caucèr esportiu (2)
• Impermeable (1)
• Chapèu o gòrra (1)
• Ampolha d’aigua grana (1,5 o 2 litres) (1)
• Barretes energetiques (1)
• Morralet (1)
• Lantèrna o frontau (1)

(1) Necessàriament entàs excursions pera montanha.
(2) Sonque entàs excursions de dificultat baisha e era rèsta d’activitats ena aubèrja.

Vos recomanam que portetz tanben quauques huelhes e materiaus sus era vòsta universitat, eth vòste programa de volontariat lingüistic, era vòsta comarca…

619 316 135 (UPV)